(روز نامہ قدس ۔آنلائن خبر رساں ادارہ ) اسرائیلی جیلوں میں متعدد بے گناہ فلسطینی قید ہیں جن پر کوئی الزام ثابت نہیں ہوئے لیکن پھر بھی وہ صہیونی قید میں تشدد کا شکار ہیں اور رہائی کے منتظر ہیں۔
ذرائع کے مطابق گذشتہ روز مقبوضہ بیت المقدس کے شمال میں قلندیا چوکی کے نزدیک غاصب اسرائیلی فوج نے1 فلسطینی نوجوان کو حراست میں لیا جس کی شناخت تاحال نہیں ہوسکی ہے تاہم صہیونی فوج کی جانب سے فلسطینی پر الزام عائد کیا گیا ہے کہ نوجوان نے فوجی اہلکار پر چاقو سے حملہ کرنے کی کوشش کی ۔
دوسری جانب عینی شاہدین کا کہنا ہے کہ قابض فورسز نے فلسطینی شہری کو چاقو گھونپنے کے بے بنیاد الزام کے بہانے حراست میں لیتے ہوئے بد ترین تشدد کا نشانہ بنایااور اسے مزید تشدد کے لیے تفتیشی مر کز منتقل کردیا۔
واضح رہے کہ صہیونی فوج کے عائد کردہ الزام کے بعد فلسطینی شہری کو صہیونی پولیس کے تفتیشی مرکز منتقل کر دیا گیا تھا جس کے حوالے سے تاحا ل کوئی خبر موصول نہیں ہوئی ہے۔