(روز نامہ قدس ۔آنلائن خبر رساں ادارہ )صہیونی فوج نے گھروں میں داخل ہوکر فلسطینی باشندوں کو تشدد کا نشانہ بنایا اور ان کی املاک تباہ کردیں۔
عبرانی نشریاتی ادارے کے مطابق مقبوضہ مغربی کنارے میں طوباس کے علاقے تیاسیرمیں قابض صہیونی مسلح فوجی اہلکاروں نے علی الصبح حملہ کر کے مقامی فلسطینی باشندوں کے گھروں میںداخل ہوکرروائیتی توڑ پھوڑ کی اور تلاشی کےبہانے املاک کو نقصان پہنچایا جبکہ متعدد فلسطینی باشندوں کو سر عام تشدد کیاگیا جس کے نتیجے میں قصبے کے رہائشیوں نے احتجاجی مظاہرے کیےاور صہیونی فوج کی غیر قانونی کارروائی کے خلاف نعرے بازی کی۔خیال رہے کہ فلسطینی علاقوں میں صہیونی فوج کے پر تشدد آپریشن معمول کی بات بن چکی ہے جس کے باعث مقبوضہ فلسطین کا ہر فلسطینی باشندہ غیر محفوظ ہے اور ان کی جان ومال کو ہر ساعت خطرات لاحق رہتےہیں ۔