(روز نامہ قدس ۔آنلائن خبر رساں ادارہ )صہیونی حکام نے مسلمانوں کے اجتماع کی بڑی تعداد سے خوف زدہ ہوکر مسجد اقصی کو جانے والی شاہراہیں بلاک کردیں۔
ذرائع کے مطابق قابض افواج کی جانب سے مقبوضہ بیت المقدس میں باب السلسلہ روڈ کو بند کرتے ہوئے جمعہ کی نماز کے اجتماع میں شرکت کرنے والے فلسطینی مسلمانوں کو مسجد اقصیٰ تک پہنچنے سے روک دیا ۔
واضح رہے کہ مسجد اقصیٰ کے امام اور خطیب، سپریم اسلامی کونسل کے چیئرمین الشیخ عکرمہ صبری کی جانب سےتمام فلسطینی مسلمانوں کے لیے مسجد اقصیٰ میں جمعہ کے اجتماع میں شرکت کا اعلان کیا گیا تھا جس کے نتیجے میں مسلمانوں عبادت گزاروں کی بڑی تعداد نےشیخ کے خطاب سے فیض یاب ہونے اور مسجد میں نماز ادا کرنے کےلیے جمع ہونا شروع کردیا تھا۔