(روز نامہ قدس ۔آنلائن خبر رساں ادارہ ) امیر جماعت اسلامی نے کہا کہ نریندرمودی کے 5اگست 2019ء کے اقدامات کے خلاف اسلام آباد سے جوابی اقدامات کی کشمیری قوم منتظر ہے۔
ذرائع کے مطابق گزشتہ روز آزادجموں وکشمیر میں حق خودارادیت کے موقع تحریک کشمیر برطانیہ کے زیر اہتمام ورچول کانفرنس سے خطاب کرتے ہوئے جماعت اسلامی کے امیر ڈاکٹر خالد محمود خان کی جانب سے اظہار خیال کیا گیا جس میں انہوں نے کہاکہ حکومت پاکستان کشمیریوں کی سفارتی سیاسی اور اخلاقی حمایت سے آگے بڑھ کر کشمیر کی آزادی کے لائحہ عمل کا اعلان کرے
ان کا کہناتھا کہ نریندرمودی کے 5اگست 2019ء کے اقدامات کے خلاف اسلام آباد سے جوابی اقدامات کی کشمیری قوم منتظر ہے۔
اس موقع پر خطاب کرتے ہوئے ڈاکٹر خالد محمود خان نے کہاکہ ہندوستان مقبوضہ کشمیر کے اندر مسلم اکثریت کو اقلیت میں بدلنے کی سازش کررہا ہے جو اقوام متحدہ کے چارٹر اور قراردادوں کے خلاف ہے عالمی برادری ہندوستان کے اس ظالمانہ اور غیرمنصفانہ اقدامات کا نوٹس لے اور مقبوضہ کشمیر کے عوام کو حق خودارادیت دلوانے کا وعدہ پورا کرے
انہوں نے آسیہ اندرابی کی جبری حراست اورقائدین حریت اور گرفتار شدگان کے حوالے سے کہا کہ ان کی زندگیوں کو شدید خطرات لاحق ہیں انسانی حقوق کے عالمی ادارے ان خلاف ورزیوں کا نوٹس لیں اورحکومت پاکستان عالمی سطح پر جارحانہ سفارتی مہم منظم کرے تا کہ ہندوستان کو کٹہرے میں کھڑا کیا جاسکے ۔