(روز نامہ قدس ۔آنلائن خبر رساں ادارہ )کلب برائے اسیران کے مطابق صیہونی زندانوںمیں قید فلسطینیوں میں سے 13 کےکورونا وائرس کی نئی قسم سے متاثر ہوئے ہیں جس کے بعد متاثرین کی مجموعی تعداد 44 ہوگئی ہے۔
مقبوضہ فلسطین میں فلسطینی اسیروں کی تفصیلات فراہم کرنے والے اداراے کلب برائے اسیران کے ڈائریکٹر ریاض الشقر نے بتایا ہے کہ صحرائے نقب میں قائم صیہونی عقوبت خانے کے سیکشن 3 میں قید 13 فلسطینیوں کے عالمی وباء کوروناوائرس کی نئی قسم سے متاثر ہونے کی تصدیق کی گئی ہے جس کے بعد زندان میں قید دیگر فلسطینیوں کی زندگی کو شدید خظرات لاحق ہوگئے ہیں۔
انھوں نے بتایا کہ قیدیوں میں کورونا وائرس کی نئی قسم کے انفیکشن کے اضافے میں ہونے والا مسلسل اضافہ خطرناک صورتحال اختیار کرچکا ہے اس حوالے سے صیہونی جیل حکام کو آگاہ کیا جاچکا ہے تاہم اس حوالے سے کسی قسم کے حفاظتی اقدامات کو اختیار نہیں کیا گیا ہے جو مجرمانہ غفلت اور انسانی حقوق کی سنگین خلاف ورزیوں میں سے ایک ہے
انھوں نےبتایا کہ مقبوضہ فلسطین کے مختلف جیلوں میں قید کورونا سے متاثر ہونےوالے فلسطینیوں کی تعداد 184 ہوگئی ہے ۔