(روز نامہ قدس ۔آنلائن خبر رساں ادارہ ) غزہ پولیس چیف کا کہنا ہے کہ کورونا وائرس کے پھیلاؤ کوروکنے کیلئے اٹھائے گئے حکومتی اقدامات پر ہر صورت عمل کرایا جائے گا۔
غزہ پولیس کے سربراہ اور وزارت داخلہ میں کرائسز مینجمٹ سیل کے سربراہ برگیڈیئر فايق المبحوح نے کہا ہے کہ عالمی وباء کورونا وائرس کی روک تھام کیلئے حکومت کی جانب سے عائد کردہ دو روزہ (جمعہ اور ہفتہ ) کرفیوپر ہر صورت عمل درآمد کرایا جائے گا اور اس سلسلے میں شہر میں دس ہزار سے زائد پولیس اہلکاروں کو تعینات کیا جائے گا ۔
واضح رہے کہ غزہ میں وزارت صحت کی رپورٹ کے مطابق گزشتہ چوبیس گھنٹوں کے دوران غزہ شہر میں کورونا وائرس سے 12 افراد جاں بحق ہوئے جبکہ 1015 نئے متاثرین کی تصدیق کی گئی ۔