(روز نامہ قدس ۔آنلائن خبر رساں ادارہ ) اس وقت صیہونی جیلوں میں 40 خواتین، 170 بچوں سمیت 350 فلسطینی بغیر کسی الزام کے محض انتظامی قید کی غیر قانونی پالیسی کے تحت ہیں۔
مقامی ذرائع سے حاصل اطلاعات کے مطابق آج صبح قابض صیہونی فوجیوں نے مقبوضہ بیت المقدس کے شہر نابلس کے جنوب میں واقع ، لابن الشرقیہ گاؤں سے دو فلسطینی بھائیں محمد راجہ اویس اور محمد یوسف اویس کو بغیر کسی جرم کے حراست میں لے لیا ۔
عینی شاہدین کا کہنا ہے کہ دونوں بھائی قابض فوج کی چیک پوسٹ کے پاس سے گزرر ہے تھے اس دوران صیہونی فوجیوں نے دونوں کو تلاشی کے نام پر روکا اور کافی دیر پوچھ گچھ کے بعد گرفتارکرکے نامعلوم مقام پر منتقل کردیا ۔