(روزنامہ قدس ۔آن لائن خبر رساں ادارہ) عقبہ جبر کیمپ میں جھڑپوں کے دوران متعددنہتےفلسطینی نوجوان زخمی جبکہ ایک صہیونی فوجی زخمی ہوا۔
ذرائع کے مطابق گزشتہ روزقابض فوج نےمقبوضہ فلسطین کے شہر اریحاکے جنوب مغرب میں واقع عقبہ جبر کیمپ پر دھاوا بولا جس کے نتیجے میں قابض فوج اور فلسطینی نوجوانوں کے درمیان شدید جھڑپیں ہوئیں ۔
صہیونی فوج اور فلسطینی نوجوانوں کے درمیان جھڑپوں کے دوران قابض فوج نے بھاری مقدار میں آنسو گیس کی شیلنگ کی جس کے نتیجے میں متعدد افراد کی آنکھوں کو سخت تکلیف کا سامنا کرنا پڑا ساتھ ہی غاصب فوج کی جانب سے ربڑ کی گولیوں کے فائر کئے گئے جس کی زد میں آکر درجنوں فلسطینی زخمی ہوئے تاہم ان جھڑپوں میں فلسطینی نوجوانوں کے ہاتھوں سے بھی 1صہیونی فوجی کےزخمی ہونے کی اطلاع ملی ہے ۔
واضح رہے کہ عقبہ جبرکیمپ میں ہی صہیونی فوج نے دو بھائیوں یحییٰ اور یوسف نسیم المقیطی کوانکے گھر کی تلاشی کے دوران گرفتار کرتے ہوئے نامعلوم مقام پر منتقل کر دیا ۔