غزہ میں دوبارہ لاک ڈاؤن کا فیصلہ

(روزنامہ قدس ۔آن لائن خبر رساں ادارہ) فلسطینی حکومت کا کہنا ہے کہ غزہ شہر میں کورونا وائرس کے کیسز میں تیزی سے اضافہ ہورہا ہے اگرفوری اقدامات نہ کیئے گئے تو صورتحال قابو سے باہر ہوسکتی ہے۔

مقامی فلسطینی  اخبارفلسطین ٹوڈے” نے اپنی رپورٹ میں  انکشاف کیا کہ غزہ میں کورونا وائرس کے کیسز کی تعداد میں غیر معمولی اضافہ دیکھنے میں آرہا ہے عالمی وباپر قابو پانے کیلئے پورے شہر کو ایک بار پھر مکمل طور پر بند کرنے کا فیصلہ کیا گیا ہے جو کہ آئندہ تین ہفتوں تک  جاری رہے گا ۔

رپورٹ میں مزید بتایا گیا ہے کہ  مہلک وائرس سے  متاثرین کے علاج معالجے کیلئے نئے قرنطین سینٹرز بھی کھولنے کا فیصلہ کیا گیا ہے کہ جس کیلئے شہر میں اسکولوں کو بطور قرنطین سینٹر استعمال کیا جائےگا۔

واضح رہے کہ غزہ میں گزشتہ چوبیس گھنٹوں کے دوران مہلک وائرس سے 11 افرادجان کی بازی ہار چکے ہیں جبکہ 1ہزار 1سو 50 نئے  مریضوں میں وائرس کی تصدیق کی گئی ہے۔