(روزنامہ قدس ۔آن لائن خبر رساں ادارہ) مشتعل سوڈانی شہریوں نے صیہونی ریاست کے خلاف شدید احتجاج کرتے ہوئے اسرائیل کے پرچم کو نذر آتش کیا جبکہ اپنی حکومت کے اسرائیل کے ساتھ تعلقات کے خلاف نعرے بازی کی۔
تفصیلات کے مطابق سوڈان کے دارالحکومت میں شہریوں کی بڑی تعداد اس وقت سڑکوں پر نکل آئی جب انھیں صیہونی ریاست کے اعلیٰ اختیاراتی وفد کی خرطوم آمد اور دونوں ممالک کے درمیان تعلقات کو مزید بہتر بنانے کے اقدامات کی خبر ملی۔
دارالحکومت خرطوم میں ہزاروں افراد سڑکوں پر نکل آئے مظاہرین میں خواتین اوربچے بھی شامل تھے جنھوں نے صہیونی ریاست کے ساتھ تعلقات کے خلاف شدید نعرے بازی کی اور اسرائیل کے پرچم بھی نذرآتش کیا۔
واضح رہے کہ صیہونی ریاست اسرائیل کے ایک اعلیٰ اختیاراتی وفد نے اتوار کے روز سوڈانی عسکری اور سیاسی قیادت سے ملاقاتیں کی ہیں اور دونوں ممالک کےد رمیان تعلقات کو مزید بہتر بنانے کے اقدامات پر تبادلہ خیال کیا ۔