(روزنامہ قدس ۔آن لائن خبر رساں ادارہ) فلسطین لبریشن آرگنائزیشن کی ایگزیکٹو کمیٹی کے سکریٹری، صائب عریقات آج صبح 65 سال کی عمر میں عالمی وباء کورونا وائرس سے متاثر ہونے کے بعد انتقال کرگئے۔
تحریک فتح نے اعلان کیا ہے کہ فلسطین لبریشن آرگنائزیشن کی ایگزیکٹو کمیٹی کے سیکریٹری جنرل اور فلسطینی انتظامیہ کے مذاکراتی امور کے سربراہ صائب عريقات عالمی وباء کورونا وائرس سےمتاثر ہونے کےبعد آج مقبوضہ بیت المقدس کے "ھداسا اسپتال ” میں انتقال کرگئے ، صائب عریقات اکتوبر کے اوائل میں کورونا وائرس سےمتاثر ہوئے تھے تاہم وقت کےساتھ طبعیت میں بہتری آنے کے بعد اچانک خالق حقیقی سے جاملے ۔
واضح رہے کہ صائب عریقات 2017 میں پھیپڑوں کے ٹرانسپلانٹ کرواچکے تھے جس کے باعث کورونا وائرس سے متاثرہونا زیادہ تباہ کن ثابت ہوا ۔