فلسطینی غیر آئینی حکومت کے صدر محمود عباس نے غزہ کی پٹی کا بحری محاصرہ ختم کرنے کی مخالفت کا اعلان کر دیا۔ انہوں نے کہا ہے کہ اہل غزہ کی مصائب کے خاتمے اور ان کے محاصرے کو ختم کرنے سے اسلامی تحریک مزاحمت ۔ حماس مظبوط ہو گی۔ عبرانی زبان میں شائع ہونے والے کثیر الاشاعت اخبار ’’ھارٹز‘‘ کے مطابق محمود عباس نے امریکی صدر اوباما کو کہا ہے کہ ’’ غزہ کی پٹی کے محاصرے کو ختم کرنے کا معنی ہے حماس کو مضبوط کرنا اور اس نازک مرحلے پر ایسا کرنا شدید خطرے کا باعث ہے۔ یاد رہے کہ نام نہاد فلسطینی صدر محمود عباس نے یہ بیان اس موقع پر دیا ہے جب عرب لیگ کے سیکرٹری جنرل عمرو موسی نے غزہ کی پٹی پہنچتے ہی یہ بیان دیا کہ ’’ غزہ کی پٹی کے مسلسل چار سالہ محاصرے کو ختم کرنا لازمی ہو گیا ہے۔‘‘