(روزنامہ قدس ۔آن لائن خبر رساں ادارہ) قابض فوج نے فلسطینی کارسوار نوجوان پر اندھا دھند فارنگ کردی ، نوجوان کو شدید زخمی حالت میں قریبی اسپتال منتقل کردیا گیا۔
عینی شاہدین کا کہنا ہے کہ آج صبح قابض صیہونی فوج نے مقبوضہ بیت المقدس کے شہر نابلس کے جنوبی علاقے حوارہ چیک پوائنٹ کے قریب فلسطینی نوجوان پر اچانک اس وقت فائرنگ کی جب وہ چیک پوائنٹ کے قریب سے گزر رہا تھا ۔
عینی شاہدین کا کہنا ہے کہ نوجوان بری طرح زخمی تھا جس کو تشویشناک حالت میں قریبی اسپتال منتقل کیا گیا ہے ۔
واضح رہے کہ زخمی نوجوان کے حوالے سے کسی قسم کی کوئی اطلاع فراہم نہیں کی گئی ہے اور نا ہی اسرائیلی فوج اور دیگر سیکیورٹی اداروں نے زخمی سے کسی کو ملنے کی اجازت دی ہے ۔