(روزنامہ قدس ۔آن لائن خبر رساں ادارہ) صہیونی فوجیوں نے ایک دوسرےپردستی ہتھیاروں سمیت پتھروں کی بارش کردی جس کی ذد میں آکرسینئرافسران بھی زخمی ہوئے۔
صہیونی نشریاتی ادارے کی جانب سے جاری کردہ رپورٹ کے مطابق گزشتہ روز مصرکی سرحد کے قریب واقع کزعوت ٹریننگ سینٹر میں شاکیداور ھسیور ھمدبری یونٹوں کے اہلکاروںپر کسی بات پر تلخ کلامی ہوئی جو بڑھ کرہنگامے کی صورت اختیار کر گئی اور دیکھتے ہی دیکھتے دونوں اطراف سے ایک دوسرے پر دستی ہتھیاروں اور پتھروں سے حملہ کیا گیا جس کے نتیجے میں درجنوں فوجی اہلکار زخمی ہو گئے تاہم موقع پر موجود فوجی افسران کےبر وقت پہنچنے پر فوجیوں کے درمیان لڑائی کو رکوایا۔
اطلاعات کے مطابق دونوں یونٹوں میں لڑائی کئی گھنٹے تک جاری رہی جس میں موقع پرموجود کئی افسران بھی زخمی ہوئےتاہم صہیونی فوج کی جانب سے اس واقعے پر رد عمل جاری کرتے ہوئےکہا گیا ہے کہ گیواتی بریگیڈ میں ہونے والے اس تصادم کی تحقیقات شروع کردی گئی ہیں جس کے بعدآپس میں لڑنے والے فوجیوں کے خلاف سخت تادیبی کارروائی عمل میں لائی جائے گی۔