(روزنامہ قدس ۔آن لائن خبر رساں ادارہ) غاصب فوج نے غزہ کےمرکزی علاقے میں دیر البلح کے مشرق میں فلسطین کی وزارت داخلہ سے متعلق سیکورٹی فورس کے ساتھ ساتھ غرب اردن کے شہر الخلیل میں ایک اسپتال پر بھی حملہ کیا۔
ذرائع کےمطابق گزشتہ روز غاصب صیہونی فوج نے غزہ کے مرکزی اور جنوبی علاقوں میں فلسطینی مزاحمت کاروں کے سکیورٹی ٹھکانوں پر شدید گولہ باری کرتے ہوئےغزہ کے جنوب میں واقع خان یونس کے مشرق میں الفخاری کے علاقے میں فلسطین کی وزارت داخلہ سے وابستہ سیکورٹی فورس کو بھی نشانہ بناتے ہوئے شدید فضائی حملے کیے جس کے نتیجے میں املاک کو بھاری نقصان پہنچااور آبادی میں خوف وہراس پھیل گیا ۔
جبکہ صیہونی دہشتگردوں نےغرب اردن کے شہر الخلیل میں ایک اسپتال پر بھی حملہ کرتے ہوئے فلسطینیوں کے خلاف آنسو گیس اور ربڑ کی گولیاں استعمال کیں جس کے نتیجے میں کم از کم پچیس فلسطینی زخمی ہو گئے اور متعدد افراد کو سانس لینے میں شدید مشکلات کا سامنا کرناپڑا ۔
واضح رہے کہ صیہونی حکومت اپنے توسیع پسندانہ مقاصد کے حصول کے لئے آئے دن غزہ کے مختلف علاقوں کو جارحیت کا نشانہ بناتی اور من چاہے بہانوں سے فلسطینیوں کو گرفتار کرتی رہتی ہے۔