(روزنامہ قدس ۔آن لائن خبر رساں ادارہ) صیہونی فوج کے ڈرون اور لڑاکا طیاروں نے آج صبح غزہ کے مختلف علاقوں میں بمباری کی تاہم حملوں میں جانی نقصان کی اطلاع نہیں ملی۔
مقامی ذرائع نے اطلاع دی ہے کہ اسرائیلی بغیر پائلٹ جنگی طیاروں اور لڑاکا طیاروں نےآج بروز پیر صبح سویرے غزہ کے مختلف علاقوں جن میں خان یونس اور رفح سمیت مشرقی سرحدی علاقوں میں متعدد مقامات کو نشانہ بنایا تاہم حملوں میں کسی جانی نقصان کی اطلاع نہیں ملی۔
مقامی ذرائع نے بتایا کہ صیہونی فوج کی بمباری سے محصور شہر غزہ میں موجود دو فیلڈ کنٹرول پوائنٹس متاثر ہوئے ، جن میں سے ایک جنوب مشرق میں الفخاری قصبے میں ، اور دوسرا کرفہ ابو معمر کے علاقے میں صفا فوجی چوکی کے شمال مشرق میں شمال مغرب میں واقع ہے ۔