(روزنامہ قدس ۔آن لائن خبر رساں ادارہ) صیہونی فوج نے ڈرون طیاروں کے زریعے غزہ کے وسطی علاقے میں فلسطینیوں کی زرعی زمین پر بمباری کی جس کےنتیجے میں ایک بچے کے زخمی ہونے کی اطلاع ہے۔
مقامی ذرائع کےمطابق صیہونی فوج کے لڑاکا طیاروں نے مقبوضہ فلسطین کے محصور شہر غزہ کے وسطی علاقے البریج پناہ گزین کیمپ کے قریب ایک زرعی زمین کو نشانہ بنایا جس کے نتیجےمیں ایک 14 سالہ بچہ زخمی ہوگیا ہے ۔
عبرانی میڈیا کاکہنا ہے کہ غزہ میں مزاحمتکاروں کی جانب سےمسلسل اسرائیل کو آتشگیر غباروں اور پتنگوں کے زریعے نشانہ بنایاجارہا ہے جس کے ردعمل میں مزاحمت کاروں کے ٹھکانوں کو نشانہ بنایاگیا ہے ، عبرانی میڈیا کا کہنا ہے کہ غزہ سے چھوڑے گئے آتشگیر غباروں نےاسرائیل میں 21 مقامات پر آگ لگائی جس میں ہزاروں شیکل کا نقصان ہوا ۔