(روزنامہ قدس ۔آن لائن خبر رساں ادارہ) اسرائیل کے ساتھ تعلقات کی بحالی کیلئے معاہدے پر فلسطینیوں سمیت عرب ممالک کے مظاہرین نے ابوظہبی کے ولی عہد شیخ محمدبن زایدالنہیان کو فلسطینیوں کے خلاف غداری کرنے والا قراردے دیا۔
گزشتہ جمعرات کے روز امریکی صدر ڈونلڈ ٹرمپ کی سرپرستی میں متحدہ عرب امارات کی جانب سے قابض صیہونی ریاست کے ساتھ دوستی کے معاہدے پر مقبوضہ فلسطین سمیت دیگر عر ب ممالک میں انتہائی غم و غصہ پایا جاتا ہے ، آج مسجد اقصیٰ کے احاطے میں احتجاجی مظاہرہ کرتے ہوئے فلسطینیوں نے امارات کے ولی عہد شیخ محمدبن زایدالنہیان کو غدار قرارد دیتے ہوئے شدید غم و غصے کا اظہار کیا۔