(روزنامہ قدس ۔آن لائن خبر رساں ادارہ ) صہیونی ریاست کی عوفر جیل میں فوجی عدالت نےفلسطینی قیدی کی تفتیش کیلئے 6 روزہ جسمانی ریمانڈ کی منظوری۔
ذرائع کے مطابق قابض ریاست کی بدنام زمانہ عوفر جیل میں قیدغرب اردن کے شمالی شہر جنین کے نواحی علاقے سیلہ الظھر سےتعلق رکھنے والے 49 سالہ فلسطینی ماھر عبداللطیف الاخرس مسلسل 9 دن سے ظالمانہ گرفتاری کے خلاف بطور احتجاج بھوک ہڑتال جاری رکھے ہوئے ہیں۔
فلسطینی محکمہ امور اسیران کےمطابق ماھر عبداللطیف الاخرس کو کچھ عرصہ قبل صہیونی فوج نےتلاشی کے بہانے ان کےگھر میں گھس کرتشددکانشانہ بنانے کے بعد بلاجواز گرفتار کر کے عوفر جیل میں منتقل کردیا اس دوران ان کی املاک کو بھی نقصان پہنچایا جبکہ گرفتاری کے بعد ماہرالاخرس کو صہیونی فوج نے عوفر فوجی عدالت میں پیش کردیا جہاں عدالت نے ان کے 6 روزہ جسمانی ریمانڈ کی منظوری دی ہے۔
اب تک کی اطلاعات کے مطابق ماھر عبداللطیف الاخرس اس بلا جواز وحشیانہ تشدد اورگرفتاری کے خلاف بہ طور احتجا ج اپنی بھوک ہڑتال جاری رکھے ہوئے ہیں۔