(روزنامہ قدس ۔آن لائن خبر رساں ادارہ ) حماس اور دیگر فلسطینی قوتیں پورے ارض فلسطین اور عرب علاقوں پر صہیونی ریاست کےغاصبانہ قبضے کے خاتمے تک مزاحمت جاری رکھیں گی۔
شام اور لبنان میں صیہونی بمباری کی مذمت اور شدید ردعمل میں اسلامی تحریک مزاحمت ‘حماس’ نے کہا ہے کہ لبنان اور شام کو اپنے دفاع اور صہیونی ریاست کے جرائم کا جواب دینے کا بھرپور حق ہےفلسطینی مزاحمتی تحریک حماس صہیونی ریاست کے جرائم کے خلاف لبنان اور شام کے ساتھ ہے۔
بیان میں مزید کہا گیا ہے کہ صہیونی ریاست کی طرف سے آئے روز پڑسی ملکوں لبنان اور شام کی سلامتی اور خود مختاری کو پامال کیا جا رہا ہے، حماس اور دیگر فلسطینی قوتیں پورے ارض فلسطین اور عرب علاقوں پر صہیونی ریاست کےغاصبانہ قبضے کے خاتمے تک مزاحمت جاری رکھیں گی۔حماس نے شام اور لبنان کے سرحدی علاقوں میں اسرائیلی فوج کی مسلسل گولہ باری کو صہیونی ریات کی کھلی بدمعاشی اور غنڈہ گردی قرار دیتے ہوئے عالمی برادری سے صہیونی ریاست کے مذموم عزائم کی روک تھام کے لیے اس پر دباؤ ڈالنے کا مطالبہ کیا گیا۔