(روزنامہ قدس ۔آن لائن خبر رساں ادارہ )مقبوضہ بیت المقدس کے شہر رام اللہ کے علاقے البیرہ میں شرپسند صیہونی آبادکاروں کی جانب سے مسجد کو نذر آتش کرنے کے خلاف احتجاجی مظاہر ہ کرنے والے مظاہرین کو منتشر کرنے کیلئے صیہونی فوج نے طاقت کا استعمال کیا جس کے ردعمل میں فلسطینی نوجوانوں نے صیہونی فوج پر پتھراؤ کیا۔
صبح سے ہونے والی پرتشدد جھڑپوں میں اب تک 10 فلسطینی نوجوانوں کے زخمی ہونےکی اطلاع ہے جبکہ ایک صیہونی فوجی کے زخمی ہونے کی بھی اطلاع ہے۔
صیہونی فوج کی جانب سے طاقت کا بھرپور استعمال کرتے ہوئے فائرنگ اور بھاری مقدار میں آنسو گیس کی شیلنگ جاری ہے ۔