(روزنامہ قدس ۔آن لائن خبر رساں ادارہ ) فلسطینی وزارت خارجہ کے مطابق سعودی عرب میں تین فلسطینیوں کی ہلاکت کے بعد بیرون ممالک میں کورونا وائرس سے جاں بحق فلسطینیوں کی تعداد 1270 ہوگئی۔
فلسطینی وزارت خارجہ کے مطابق سعودی عرب میں ایک ہی روز میں کورونا وائرس کے تین فلسطینی مریض دم توڑگئے، وزارت خارجہ کے بیان میں کہا گیا ہے کہ گذشتہ روز سعودی عرب میں 58سالہ نبیل رشدی علی سلیم الغندور کرونا سے دم توڑ گئے۔
قبل ازیں سعودی عرب میں کرونا کا شکار ہونے والے 79 سالہ عبداللہ محمد العجل اور 72 سالہ سلیمان احمد سلیمان ابو شریف کے انتقال کی تصدیق کی گئی تھی۔