(روزنامہ قدس ۔آن لائن خبر رساں ادارہ ) گزشتہ ماہ مئی میں صہیونی فوج نے مقبوضہ بیت المقدس میں فلسطینیوں کی 59 املاک کو مسمار کیا جن میں 15 عمارتوں کو انکے مالکان کو خود مسمار کرنے کے احکامات دیئے گئے۔
فلسطینی ذرائع کےمطابق صہیونی فوج نے گزشتہ روز مقبوضہ بیت المقدس کے دو مختلف قصبوں جبل المکبر اور العیسویہ میں زرعترہ خاندان اور ابو طیر خاندان خاندان کی عمارات کو غیر قانونی قرارد یتے ہوئے مسمار کردیا ۔
دونوں رہائشی عمارات میں خواتین اور بچوں سمیت مجموعی طور پر 24 افراد رہائش پزیر تھے جو اب کھلے آسمان تلے زندگی گزارنے پر مجبور ہیں۔
واضح رہے کہ گزشتہ ماہ مئی کے دوران صہیونی فوج نے مقبوضہ بیت المقدس میں فلسطینیوں کی 59 املاک کو مسمار کیا جن میں 15 عمارتوں کو انکے مالکان کو خود مسمار کرنے کے احکامات دیئے گئے ۔