(روزنامہ قدس ۔آن لائن خبر رساں ادارہ) الجزائر کے وزارت خارجہ کا کہنا ہے کہ عالمی برادری قابض صہیونی ریاست اسرائیل کے توسیع پسندانہ تصرفات اور ظالمانہ اقدامات کا نوٹس لیتے ہوئے غرب اردن پر اسرائیلی دست درازی روکے۔
افریقی عرب ملک الجزائر کے وزارت خارجہ کے ترجمان رشید بلادھان نے غرب اردن پر اسرائیلی خودمختاری کی شدیدالفاظ میں مذمت کرتے ہوئے کہا ہے کہ الجزائر فلسطین میں یہودی بستیوں کی تعمیر اور آباد کاری کے منصوبوں کو نسل پرستانہ اور استعماری قرار دیتے ہوئے ان کے سنگین خطرات سے آگاہ کرتا اور انہیں خطے میں قیام امن اور فلسطینیوں کے دیرینہ حقوق اور مطالبات کو نظرانداز کرنے کے متراد قرار دیتا ہے۔
انھوں نے مقبوضہ مغربی کنارے کے علاقوں کو اسرائیل میں شامل کرنے کےاعلان کو ایک دشمنانہ اور باطل اقدام قرار دیتے ہوئے کہا ہے کہ یہ منصوبہ نہ صرف فلسطینی قوم بلکہ تمام مسلمان ممالک کے خلاف ایک گہری سازش ہے۔
رشید بلاھان نے کہا کہ فلسطین کے حوالے سے ان کے ملک کی پالیسی میں کوئی تبدیلی نہیں آئی ہے ہم فلسطینیوں کے منصفانہ حقوق کی ہرسطح پر حمایت جاری رکھیں گے چاہے حالات جیسے بھی ہوں الجزائر مظلوم فلسطینی قوم کو تنہا نہیں چھوڑے گا۔