(روزنامہ قدس ۔آن لائن خبر رساں ادارہ) مقبوضہ بیت المقدس میں ذہنی معذور فلسطینی نوجوان کو شہید کرنےوالے دو صیہونی پولیس اہلکار ایک روز بعد جیل سے رہا کردیئے گئے۔
تفصیلات کے مطابق صیہونی پولیس نے گزشتہ روز مقبوضہ بیت المقدس کے پرانے شہر عصبہ دروازے کے پاس ں 32 سالہ ذہنی معذور ایاد الحلاق کو گولیاں مار کر شہید کردیا تھا اور دعویٰ کیا تھا کہ وہ مسلح تھا۔
عینی شاہدین کے مطابق الحلاق کو صیہونی فوج نے بلا جواز چھ مرتبہ گولیاں ماری جس سے وہ موقع پر شہید ہوگیا ۔
فلسطینی اٹھارٹی اور بہت سی انسانی حقوق کی تنظیموں نے الحلاق کے قتل کی مذمت کی اور انہوں نے فلسطینیوں کے خلاف اسرائیلی جرائم ، خاص طور پر غیر قانونی عدالتی قتل کی بین الاقوامی تحقیقات کا مطالبہ کیا۔