(روزنامہ قدس ۔آن لائن خبر رساں ادارہ) حماس کے سینئر رہنما کا کہنا ہے کہ امریکا کا غرب اردن کے بعض علاقوں کو اسرائیل کاحصہ تسلیم کرنا غیرآئینی، غیرقانونی اور بین الاقوامی قرارارداوں کی توہین ہے۔
اسلامی تحریک مزاحمت ‘حماس’ کے بیرون ملک شعبہ اطلاعات کے سربراہ رافت مرہ نے امریکی وزیر خارجہ مائیک پومپیو کے بیان کی شدید الفاظ کی ہے جس میں انھوں نے کہا تھا کہ غرب اردن کے اسرائیل سے الحاق کا فیصلہ اسرائیل کی منشاء اور مرضی کا حصہ ہے، رافت مرہ کا کہنا ہے کہ غرب اردن کے اسرائیل سے الحاق کی امریکی حمایت غیرآئینی، غیرقانونی اوربین الاقوامی قوانین کی کھلی توہین ہے۔
رافت مرہ کا مزید کہنا تھا کہ امریکا کا موقف سراسر اسرائیل کی طرف داری پرمبنی ہے، امریکا فلسطینی قوم کے دیرینہ حقوق اور قضیہ فلسطین کے بنیادی تقاضوں کو کھلے عام نظرانداز کررہا ہے۔