(روزنامہ قدس ۔آن لائن خبر رساں ادارہ) محمد عوض کا کہنا ہے کہ غزہ میں کورونا سے متاثرین کے علاج کے لیے ایک بڑا اسپتال قائم کیاگیا ہے جس میں علاج کی سہولیات کی فراہمی کے لیے فوری طورپر 17 ملین ڈالر کی رقم درکار ہے۔
فلسطینی حکومت کی طرف سے غزہ کی میں کورونا وائرس کے علاج کے لیے قائم کردہ فالوپ اپ کمیٹی کے چیئرمین محمد عوض نے غزہ میں کورونا وائرس سے متاثرہ دو نئے مریضوں کے حوالے سے میڈیا بریفنگ میں کہا ہے کہ غزہ میں کورونا کےمریضوں کےعلاج کیلئے 17 ملین ڈالر کی فوری رقم درکار ہے۔
انھوں نے بتایا کہ غزہ میں کورونا کے ممکنہ پھیلاؤکے حوالے سے تمام وزارتوں اور محکموں کی طرف سے بھرپور تیاری کی گئی ہے تاہم صیہونی ریاست کی جانب سے عائد کردہ معاشی پابندیوں اور محاصرے کے باعث کورونا غزہ میں بدترین حالات پید کر سکتا ہے جس کیلئے ہم ممکن تیاری کرنا بہت ضروری ہے یہی وجہ ہے کہ غزہ میں کرونا کےمریضوں کے علاج کے لیے ایک بڑا اسپتال قائم کیاگیا ہے جس میں علاج کی سہولیات کی فراہمی کے لیے فوری طورپر 17 ملین ڈالر کی رقم درکار ہے۔