(روزنامہ قدس ۔آن لائن خبر رساں ادارہ) فلسطینی وزارت تعلیم اسرائیلی جیلوں میں قید کم سن فلسطینی بچوں کی فوری رہائی کا مطالبہ کرتے ہوئے بتایا ہے کہ سال 2020ء کے آغاز میں اسرائیلی زندانوں میں 18 سال سے کم عمر کے 210 بچے پابند سلاسل تھے۔
فلسطینی وزارت تعلیم کی جانب سے جاری بیان میں صیہونی ریاست سےدنیا میں جاری کوروناوائرس کی عالمی وباء سے بچاؤ اور بین القوامی قوانین کی خلاف ورزی کرتے ہوئے گرفتارکئے جانے والے کم سے کم180 بچوں کی فوری اور غیر مشروط رہائی کا مطالبہ کیا گیا ہے ۔
بیان میں کہا گیا ہے کہ سال 2020ء کے آغاز میں اسرائیلی زندانوں میں 18 سال سے کم عمر کے 210 بچے پابند قید تھے جو انسانی حقوق کی بدترین خلاف ورزی ہے تاہم تاحال 180 بچے بدستور صیہونی زندانوں میں قید ہیں جو بنیادی انسانی حقوق سے بھی محروم ہیں ۔
بیان میں کہا گیا ہے کہ اسرائیل فلسطینی بچوں کے معاملے میں بین الاقوامی قوانین کی کھلی خلاف ورزی کا مرتکب ہو رہا ہےصیہونی قابض فوج کے ہاتھوں فلسطینی بچوں کی گرفتاریاں بچوں کی زندگیوں پر گہرے نفسیاتی اور سماجی اثرات مرتب کر رہی ہیں۔