(روز نامہ قدس ۔آنلائن خبر رساں ادارہ ) قابض اسرائیلی فوج نے دعویٰ کیا ہے کہ اس نے فلسطین کے مقبوضہ بیت المقدس میں باب الساھرہ سے گذشتہ روز ایک فلسطینی نوجوان کو حراست میں لیا ہے جس کے قبضے سے ایک تیز دھار چاقو برآمد کیا گیا ہے۔
قابض صہیونی فوج کا کہنا ہے کہ فلسطینی نوجوان مبینہ طور پرصہیونی فوجیوں اور آباد کاروں پر چاقو کے وار کرنے کی منصوبہ بندی کررہا تھا، اسرائیلی فوج کا کہنا ہے کہ فلسطینی نوجوان کی گرفتاری کے بعد الحمراء کے علاقے کو سیل کردیا گیا اور پرانے بیت المقدس میں بھی فلسطینیوں کی تلاشی لی گئی ہے۔
عینی شاہدین کا کہنا ہے کہ اسرائیلی فوج نے ایک فلسطینی نوجوان کو باب الساھرہ میں پوسٹ آفس کے قریب سے حراست میں لیا اور اس کے بعد اسے پولیس سینٹر منتقل کردیا گیا ہے۔