(روز نامہ قدس ۔آنلائن خبر رساں ادارہ ) اقوام متحدہ کے وفد کے غزہ کے دورے کا مقصد غزہ میں مصر ، قطر اور اقوام متحدہ کی کوششوں سے جنگ بندی اور غزہ کی ناکہ بندی کے اثرات کم کرنے کوششوں کا جائزہ لینا ہے۔
اقوام متحدہ کے خصوصی ایلچی برائے مشرق وسطیٰ جیمی مارک گولڈ ریک ایک اعلیٰ اختیاراتی وفد کے ہمراہ گذشتہ روز رام اللہ سے بیت حانون گذرگاہ کے ذریعے مقبوضہ فلسطین کے محصور شہر غزہ پہنچے جہاں انہوں نے فلسطینی سیاسی جماعتوں کی قیادت سے ملاقات کی۔
ذرائع کا کہنا ہے کہ اقوام متحدہ کے خصوصی ایلچی برائے مشرق وسطیٰ اور ان کے ساتھ وفد کا دورہ غزہ پہلے سے طے شدہ نہیں تھا یہ ایک اچانک دورہ تھا جس کے بارے میں پہلے کوئی اطلاع نہیں تھی تاہم خیال ظاہر کیا جارہا ہے کہ اقوام متحدہ کے وفد کے دورے کا مقصد غزہ میں مصر ، قطر اور اقوام متحدہ کی کوششوں سے جنگ بندی اور غزہ کی ناکہ بندی کے اثرات کم کرنے کوششوں کا جائزہ لینا ہے۔