(روزنامہ قدس ۔آن لائن خبر رساں ادارہ) فلسطین کےمختلف علاقوں میں صیہونی فوج کی جانب سے فلسطینی مظاہرین پر طاقت کے وحشیانہ استعمال کے نتیجےمیں درجنوں فلسطینی زخمی ہوگئے جبکہ متعدد کو گرفتارکرلیا۔
مقامی ذرائع کے مطابق امریکی صدر کی جانب سے پیش کردہ نام نہاد امن منصوبہ صدی کی ڈیل کے خلاف مقبوضہ فلسطین کے مختلف علاقوں میں احتجاجی مظاہرے جاری ہیں جس کو روکنے کیلئے صیہونی فوج کی جانب سے طاقت کے وحشیانہ استعمال کیا جارہا ہے ، قلقیلیہ ، الخلیل اور رام اللہ کے مختلف دیہاتوں اور قصبوں میں قابض صہیونی فوجیوں اور فلسطینی مظاہرین کے درمیان پر تشدد جھڑپیں پھوٹ پڑیں۔
صہیونی فوج نے پر امن مظاہرین پر براہ راست اسلحہ، ربڑ کے خول میں لپٹی اسٹیل کی گولیاں برسائیں اور آنسو گیس کے گولے پھینکے اور متعدد فلسطینیوں گرفتار کیا ، صیہونی فوج کی جانب سے طاقت کے وحشیانہ استعمال کے نتیجے میں درجنوں فلسطینی زخمی ہوگئے ۔
فلسطینی مظاہرین نے جواب میں ٹائروں کو آگ لگائی اور اسرائیلی فوجیوں پے پتھراؤ کیا ، لخلیل میں بیت عمر قصبے میں صہیونی فوجیوں نے فلسطینیوں کے گھروں کی چھتیں پھلانگیں، انکے رہائشیوں کو ہراساں کیا اور قصبے کے داخلی دروازے پر فوجی چوکی قائم کر دی۔امریکی صدر ڈونلڈ ٹرمپ کی جانب سے حالیہ "امن معاہدے” جسے صدی کی ڈیل کے نام سے جانا جاتا ہے کے اعلان کے خلاف سینکڑوں فلسطینیوں نے مغربی کنارے کی گلیوں میں مظاہرے کیے۔