(روزنامہ قدس ۔آن لائن خبر رساں ادارہ) قابض فوج نے نماز فجر کے دوران مسجداقصیٰ پر حملہ کیا اور نمازیوں کو تشدد کا نشانہ بناتے ہوئے ایک معمر فلسطینی عبادتگزار کو گرفتارکرلیا۔
عینی شاہدین کے مطابق صیہونی فوج نے علی الصبح سے ہی مقبوضہ بیت المقدس میں اور مسجد اقصیٰ تک لے جانے ولی سڑکوں پر پابندیاں سخت کر دیں تاکہ فلسطینی عبادت گزار مسجد اقصیٰ تک نا پہنچ سکیں، قابض فوج نے مسجد اقصیٰ میں نماز فجر کی ادائیگی کے دوران باب رحمت اور باب الحطا سے داخل ہوتے ہوئے فلسطینی عبادت گزاروں پر تشدد کیا اور ایک معمر بزرگ شہری کو گرفتارکرلیا ۔
واضح رہے کہ قابض ریاست کی جانب سے مسجد اقصیٰ پر دھاوے اور عبادت گزاروں کی گرفتاریاں اسلامی کونسل فلسطین کے سربراہ اور خطیب و امام مسجد اقصیٰ الشیخ عکرمہ صبری کی اپیل پر صیہونی ریاست کی جانب سے قبلہ اول کو یہودیانے کی سازش کو ناکام بنانے کیلئے شروع کی گئی مہم "فجرالعظیم ” کو کمزور کرنے کوششیں ہیں ۔