(روزنامہ قدس ۔آن لائن خبر رساں ادارہ) صیہونی پولیس کے حفاظتی حصار میں درجنوں صیہونی آبادکاروں کا مذہبی رسومات کی ادائیگی کے نام پر مسجد اقصیٰ پر دھاوا ،اشتعال انگیز نعروں کے ساتھ قبلہ اول کی بے حرمتی کی۔
مقامی ذرائع کا کہنا ہے کہ اسرائیلی پولیس کے حفاظتی حصارمیں درجنوں صیہونی غیر قانونی آبادکاروں نے گزشتہ روز یہودی مذہبی رہنماؤں اور اعلیٰ حکومتی عہدیداران کے ساتھ مسجد اقصیٰ پر دھاوا بولا ۔
مذہبی رسومات کی ادائیگی کے نام پر اسلام مخالف اشتعال انگیز نعرے بازی کرتے ہوئے قبلہ اول کی بے حرمتی کی اور مسلمان عبادت گزاروں کو مسجد سے بے دخل کردیا ۔
واضح رہے کہ یہودی آباد کاروں کے ہمراہ مسجد اقصیٰ پر دھاوے بولنے والوں میں اسرائیلی اسپیشل فورسز کے اہلکار بھی شامل تھے جو سنہ 1967ء سے زیرقبضہ مراکشی دروازے کے راستے مسجد اقصیٰ میں داخل ہوتے اور مقدس مقام کی بے حرمتی کرتے رہے۔