(روزنامہ قدس ۔آن لائن خبر رساں ادارہ) حماس رہ نما نے ملائیشیا کی طرف سے قضیہ فلسطین کے لیے جرات مندانہ موقف اختیار کرنے، جنرل اسمبلی میں وزیراعظم مہاتیر محمد کی طرف سے فلسطینیوں کے حقوق کا دفاع کرنے اور عالمی برادری کے سامنے جراتمندانہ موقف پر خراج تحسین پیش کیا۔
گزشتہ روز قطر کے دارالحکومت دوحا میں اسلامی تحریک مزاحمت’حماس’ کے سیاسی شعبے کے سربراہ اسماعیل ھنیہ نے ملائیشیا کے وزیر دفاع محمد سابوسے ملاقات کی ، اس موقع پر اسماعیل ھنیہ نے ملائیشیا کی حکومت کی طرف سے قابض ریاست اسرائیل کی جانب سے کی جانے والی طویل ترین غیر قانونی ناکہ بندی پر شدید تنقید کے ساتھ محصورین غزہ کی مدد کرنے پر ملائیشن حکومت کا خصوصی شکریہ ادا کیا ۔
ملاقات میں حماس اور ملائیشیا کے باہمی تعلقات، دو طرفہ دلچسپی کے امور اور عالمی تعلقات پر بات چیت کی گئی۔اس موقعے پر ۔انہوں نے کہا کہ ملائیشیا کی حکومت نے غزہ کی پٹی کے عوام کو درپیش اسرائیلی پابندیوں کے نبرد آزما ہونےمیں مدد فراہم کرنے کے لیے مساعی کا خیر مقدم کیا۔