(روزنامہ قدس ۔آن لائن خبر رساں ادارہ) صیہونی فوج نے غیر قانونی اسرائیلی تسلط کے خلاف ہفتہ وار احتجاج کرنے والے پر امن فلسطینیوں پر زہریلی گیس سے حملہ کیا جس کے نتیجےمیں متعدد مظاہرین بے ہوش ہوگئے جبکہ متعدد کو گرفتارکرلیا گیا۔
مقبوضہ فلسطین میں صیہونی ریاست کے توسیع پسند عزائم اور غیرقانونی یہودی آبادکاری کے خلاف کمیٹی کے سربراہ مراد شیطوی نے بتایا کہ صیہونی فوج نے مقبوضہ بیت المقدس کےشہر قلقیلیہ کے قصبے کفر قدوم میں فلسطینیوں کی جانب سے صیہونی ریاست کے غیر قانونی تسلط کے خلاف ہفتہ وار احتجاجی مظاہرے پر اسرائیلی فوج نے زہریلی گیس سے حملہ کیا جس کے نتیجےمیں متعدد مظاہرین بے ہوش ہوگئے جبکہ درجنوں کو اسرائیلی فوج اور پولیس نے احتجاج کرنے کے جرم میں گرفتارکرلیا ہے ۔
واضح رہے کہ اسرائیل کی جانب سے فلسطین پر غیر قانونی قبضے کے خلاف سیکڑوں فلسطینی ہر جمعہ کو پر امن احتجاجی مظاہرے کرتے ہیں جس کو روکنے کیلئے صیہونی فوج اور پولیس کی جانب سے طاقت کا بے دریغ استعمال کیا جاتا ہے جس کے نتیجے میں اب تک 12 فلسطینی شہید اور ہزاروں زخمی ہوچکے ہیں ۔