(روزنامہ قدس ۔آن لائن خبر رساں ادارہ) قبرص پولیس نے ایک خاتون سمیت تین افراد کو گرفتارکیا ہے جن کے قبضے سے غیر قانونی مواصلاتی آلات سمیت حساس نوعیت کے دستاویزات برآمد کئے گئے ہیں۔
قبرص کے سیکیورٹی حکام نے جمعرات کے روز ایک خاتون سمیت دو افراد پر مشتمل اسرائیل کی ملکیتی ایک بس کو اپنے قبضے میں لیا ہے جو جدید ترین آلات سے لیس تھی ، برآمد ہونے والے آلات ہرقسم کی نگرانی کے لیے استعمال ہونے والی مشینوں اور آلات تک رسائی کی صلاحیت رکھتے ہیں ،سیکیورٹی حکام نے مشتبہ بس اور تینوں افراد پر قبرص میں اسرائیل کے لیے جاسوسی کرنے کا الزام عاید کیا گیا ہے۔
قبرص پولیس چیف کا کہنا ہے کہ گرفتار تینوں افراد پر قبرص کی سلامتی کوخطرے میں ڈالنے، شہریوں کی پرائیویسی میں دخل اندازی کرنے، جعلی دستاویزات حاصل کرنے اور وائرس لیس مواصلاتی آلات کے غیرقانونی استعمال سمیت 13 الزامات عاید کیے گئے ہیں۔
ملزمان کو کل جمعہ کے روز لارنکا شہر میں عدالت میں پیش کیا گیا۔ عدالت نے انہیں مزید پوچھ تاچھ کے لیے پولیس کے حوالے کرنے کا حکم دیا ہے۔خیال رہے کہ جاسوس بس قبرص میں ٹرانسپورٹ کے لیے رجسٹرڈ’وائسپیر’ بس کمپنی کی ملکیت ہے اور اس کا ایگزیکٹو ایک سابق اسرائیلی انٹیلی جنس افسر ٹال ڈیلڈان ہے۔