(روزنامہ قدس ۔آن لائن خبر رساں ادارہ) مقبوضہ بیت المقدس اور فلسطین کے مختلف علاقوں میں فلسطینیوں کے خلاف صیہونی فوج کے حملوں اوجھڑپوں کےدوران کم سے کم 60 فلسطینیوں کے زخمی ہونے کی اطلاعات ہیں۔
مقامی ذرائع کےمطابق گزشتہ ایک ہفتے کے دوران صیہونی فوج اور پولیس نے مقبوضہ بیت المقدس کے مختلف علاقوں میں فلسطینیوں پر 30 مقامات پر حملے کئے جبکہ غزہ میں 9 مختلف مقامات پر فائرنگ میں متعدد فلسطینیوں کو زخمی کیا گیا ۔ مقبوضہ بیت المقدس کے علاقے غرب اردن میں 10 مختلف علاقوں میں اسرائیلی فوج کی طرف سے فلسطینی شہریوں پر آنسوگیس کی شیلنگ اور براہ راست فائرنگ کی گئی جس کے نتیجے میں متعدد فلسطینی زخمی ہوگئےجبکہ جمعہ کے روز اسرائیلی فوج کی فائرنگ سے چھ فلسطینی زخمی ہوگئے۔
صیہونی فوج نے غزہ کی پٹی کے علاقے خان یونس میں فلسطینیوں پر فائرنگ کی۔جمعرات کے روعز الفوار پناہ گزین کیمپ میں اسرائیلی فوج کی طرف سے 9 مقامات پر تصادم ہوا۔بدھ کے روز 13 بار مقامات پر تصادم ہوا جب کہ چار فلسیطنی زخمی ہوئے۔ قابض فوج کی طرف سے فلسطینی مظاہرین پر براہ راست فائرنگ کی گئی۔گذشتہ ہفتے کے وسط میں قابض فوج کی فائرنگ سے سات فلسطینی زخمی ہوئے جب کہ چھ مقامات پر تصادم ہوا۔سوموار کے روز اسرائیلی فوج کی غرب اردن میں براہ راست فائرنگ سے تین فلسطینی زخمی ہوئے۔ چھ مقامات پر تصادم ہوا۔اتوار کے روز سات مقامات پر فلسطینی شہریوں اور اسرائیلی فوج کے درمیان تصادم ہوا۔ہفتے کے روز برکان یہودی کالونی کے قریب فلسطینیوں اور اسرائیلی فوج کے درمیان تصادم ہوا۔