(روزنامہ قدس ۔آن لائن خبر رساں ادارہ ) منگل کے روز فلسطین کے علاقے غزہ میں اسرائیلی فوج کے اسلامی جہاد کے رہ نما ابو العطاء پرحملے اور ان کی شہادت کے بعد غزہ میں تمام تعلیمی ادارے اور کاروبار بند کردیے گئے۔
دوسری جانب صیہونی ریاست نے گزشتہ تیرا سالوں سے غیر قانونی محاصرے کا شکار غزہ کی تمام سرحدی گذر گاہیں سیل کردی ہیں۔ غزہ میں وزارت تعلیم کی طرف سے جاری ایک بیان میں کہا گیا ہےکہ اسرائیلی فوج کی بمباری کے بعد غزہ میں تمام تعلیمی ادارے بند کردیے گئے ہیں۔وزارت تعلیم کے ڈائریکٹر تعلقات عامہ معتصم المیناوی کا کہنا تھا کہ منگل کے روز غزہ کی پٹی میں تمام اسکول بند کردیئے تھے۔؎
آج بدھ کے روز جزوی طور پر غزہ میں اسکول کھولے جائیں گے۔ادھر دوسری طرف اسرائیلی فوج نے غزہ کی پٹی کی تمام گذرگاہیں سیل کردی ہیں اور فلسطینی ماہی گیروں کے لیے شکار گاہ کا دائرہ بھی محدود کردیا ہے۔