(روزنامہ قدس ۔آن لائن خبر رساں ادارہ) غزہ میں اسرائیل فضایہ کی بمباری سے بڑے پیمانے پر رہائشی عمارات تباہ ہوئیں جس میں ایک فلسطینی کے شہید ہونے کی اطلاعات ہیں تاہم شہادتوں میں اضافے کا خدشہ ہے ۔
صیہونی فضائیہ اور ٹینکوں نے گزشتہ رات غزہ کے درجن سے زائد علاقوں میں بمباری کی،
اسرائیلی فوج کا کہنا ہے کہ بمباری حماس کے ٹھکانوں پر کی گئی تاہم تصاویر میں دیکھا جاسکتا ہے کہ صیہونی فوج نے یہ بمباری رہائشی علاقوں میں کی جس سے متعدد فلسطینی زخمی ہوئے ہیں جبکہ اکثر کی حالت تشویشناک ہے جس سے شہادتوں میں اضافے کا خدشہ ہے ۔
صیہونی فوج نے الشجاعیہ، خان یونس، دار البلاح اور بیت اللھیہ سمیت درجنوں مقامات جن میں زرعی زمین اور رہائشی مقامات شامل ہیں ان پر وحشیانہ بمباری کی۔
