(روزنامہ قدس ۔آن لائن خبر رساں ادارہ) صیہونی فوج کے پر امن فلسطینی مظاہرین پر لاٹھیوں ، آنسو گیس اور ربڑ کی گولیوں سے تشددسے غیرملکی امدادی کارکنان سمیت متعدد فلسطینی زخمی ہوگئے ۔
مقامی ذرائع کے مطابق مقبوضہ بیت المقدس کے مشرقی شہر قلقیلیہ کے قصبے کفر قدوم میں ہفتہ وار تصفیہ مخالف مظاہرے جاری تھے جس میں غیرملکی امدادی کارکنان ، خواتین اور بچوں سمیت بڑی تعداد میں فلسطینی شریک تھے جو گزشتہ 16 سال سے قصبے کی مرکزی سڑک کی بندش کی بحالی کیلئے احتجاج کررہے تھے ، اس دوران صیہونی فوج نے پر امن مظاہرین کو منتشر کرنے کیلئے پہلے لاٹھی چارج کی جس پر فلسطینی نوجوانوں نے مزاحمت کی جس کے ردعمل میں صیہونی فوج نے آنسو گیس کے شیل اور ربڑ کی گولیاں چلائیں ۔صیہونی فوج کی شیلنگ کی ذد میں آکر متعدد فلسطینی زخمی ہوگئے جن میں سے زیادہ تر دھم گھٹنے کے باعث بے ہوش ہوئے ۔
واضح رہے کہ کفر قدوم کے رہائشی صیہونی ریاست کی جانب سے اپنی زمینوں پر غیر قانونی یہودی بستیوں کی تعمیر اور گزشتہ 16سال سے مرکزی شاہراہوں کی بندش کی بحالی کیلئے ہر جمعہ کو احتجامی مظاہرے کرتے ہیں جس کو منتشر کرنے کیلئے صیہونی ریاست کی طرف سے طاقت کا بھرپور مظاہرہ کیا جاتا ہے۔