(روزنامہ قدس ۔آن لائن خبر رساں ادارہ) صیہونی فوج نے مسجد اقصیٰ پر شرپسند یہودی آبادکاروں کے دھاوؤں کےخلاف کام کرنے والی چار خواتین کو اغواء کرلیا۔
مقامی ذرائع سے حاصل اطلاعات کےمطابق صیہونی فوج نے گزشتہ روز مقبوضہ بیت المقدس میں مسجد اقصیٰ کے باب السلسلة کے قریب سے مسجد اقصیٰ پر شرپسند یہودی آبادکاروں کے دھاوؤں اور مسلمانوں کےمقدس مقامات کی بے حرمتی کے خلاف تحریک کی اراکین چار خواتین کو اغواء کرلیا ہے۔
فلسطینی قیدیوں کی تفصیلات فراہم کرنے والے ادارے کے مطابق تاحال چاروں خواتین کی کوئی اطلاع نہیں ہے کہ اغواء کرکے کہاں لے جایا گیا ہے۔