(روزنامہ قدس ۔آن لائن خبر رساں ادارہ) قابض صیہونی ریاست اسرائیل کے مظالم کے خلاف اور "یوم ارض” کی مناسبت سے 30مارچ 2018 سے فلسطین میں ہر جمعہ کو "حق واپسی مارچ ” کے پر امن مظاہرے کئے جاتے ہیں۔
گزشتہ روز جمہ کو صیہونی ریاست کے ارض فلسطین پر قبضے کے خلاف ہونے والی "قومی آشتی ہماری قوم کا انتخاب کے عنوان سے غزہ پٹی میں 77ویں حق واپسی مارچ کی گئی، صیہونی فوج کی جانب سے غزہ کے پرامن مظاہرین پر فائرنگ کی گئی جس کے نتیجے میں مظاہرے میں شریک ایک فلسطینی شہید اور 40 سے زائد زخمی ہوگئے۔
صیہونی فوجیوں نے مظاہرین پر براہ راست فائرنگ، آنسوگیس اور زہریلی گیسوں کا استعمال کیا۔ غزہ سمیت فلسطین کے مختلف شہروں میں 30مارچ 2018 سے یوم ارض کی مناسبت سے شروع ہونے والے پرامن "حق واپسی مارچ ” میں اب تک تین سو تیس فلسطینی صیہونی فوجیوں کی براہ راست فائرنگ میں شہید اور کم سے کم اکتیس ہزار زخمی ہوچکے ہیں۔
فلسطینی تیس مارچ انیس سو چھہتر میں اپنی زمینوں پر صیہونی حکومت کے قبضے کی یاد میں یوم الارض مناتے ہیں اور ہر سال تیس مارچ کو مظاہرے کرتے ہیں۔
صیہونی حکومت فلسطینیوں کی زمینوں پر قبضہ کر کے اور ان پر یہودی کالونیاں تعمیر کر کے فلسطین کے جغرافیا کو تبدیل اور اس علاقے کو یہودی رنگ دینے کی کوشش کررہی ہے تاکہ فلسطینی علاقوں میں اپنا قبضہ مضبوط بنا سکے ۔