(روز نامہ قدس ۔آنلائن خبر رساں ادارہ ) مقبوضہ بیت المقدس میں غیرقانونی ریاست اسرائیل اور صیہونی ازم کے خلاف احتجاج کرنے والے یہودیوں پر صیہونی فوج اور پولیس کا دھاوا، متعدد یہودی زخمی مذہبی پیشوا سمیت 4 یہودی گرفتار۔
تفصیلات کے مطابق مقبوضہ بیت المقدس میں یہودی ربی (مذہبی پیشوا) آرش گیلائین کی سربراہی میں احتجاجی مظاہرہ کیا گیا جس میں غیرقانونی ریاست اسرائیل اور صیہونی ازم کے خلاف یہودیوں نے شرکت کی، یہودی مظاہرین نے مقبوضہ فلسطین پر فلسطینیوں کے حق کوتسلیم کرتے ہوئے غیرقانونی جبری طور پرقائم کی گئی ریاست اسرائیل اورصیہونی ازم کے خلاف نعرے بازی کی۔
یہودی ربی آرش گیلائین کی سربراہی میں ہونے والے احتجاج کوروکنے کیلئے صیہونی پولیس اور فوج نے مظاہرین کوروکنے کی کوشش کی اور ناکامی پر لاٹھی چارج اور آنسو گیس کے شیلز کا استعمال کیا جس نتیجے میں کم از کم 10 یہودی مظاہرین زخمی ہوگئے جبکہ صیہونی پولیس نے یہودی مذہبی پیشوا سمیت 4 مظاہرین کو گرفتار کرلیا ۔