(روز نامہ قدس ۔آنلائن خبر رساں ادارہ )فلسطینی اسیروں کے حقوق کے لیے کام کرنے والے کمیشن نے 3 سالہ فلسطینی بچے کو تفتیش کے لیے طلب کیے جانے پر اسرائیلی حکام کو شدید تنقید کا نشانہ بنایا۔
کمیشن کے سربراہ قدری ابو بکر نے اسرائیلی ریاست کو شدید تنقید کا نشانہ بناتے ہوئے کہا کہ قابض ریاست فلسطینی بچوں اور نوجوانوں کے خلاف سنگین جرائم کی مرتکب ہو رہی ہے۔
انہوں نے سماجی رابطے کی ویب سائٹ فیس بک پر اپنی ایک پوسٹ میں لکھا کے 3 سالہ فلسطینی بچے کی جان کو شدید خطرات لاحق ہیں اور عالمی برادری خاموش تماشائی کا کردار ادا کر رہی ہے۔
یاد رہے کہ گزشتہ روز صیہونی پولیس نے مقبوضہ بیت المقدس کے نواحی علاقے العیسویہ کے رہائشی 3 سالہ محمد علیان کواسرائیلی فوجی گاڑیوں پر پتھراؤ کے الزام میں تفتیش کیلئے طلب کیا تھاس جس کے بعد اس کے والد ننھے عالیان کو تفتیش کیلئے صیہونی تفتیشی مرکز لے کر گئے جہاں صیہونی حکام نے معصوم بچے سے فوجی گاڑیوں پر پتھراؤ کے حوالے سے تفتیش کی تھی ۔