(روز نامہ قدس ۔آنلائن خبر رساں ادارہ )غزہ کے رہائشیوں کی حق واپسی کے پرامن مارچ کی تیاریاں جاری،گزشتہ سال اپریل میں شروع ہونے وال حق واپسی مارچ چونسٹھویں ہفتے میں داخل ہو جائے گا۔
تفصیلات کے مطابق اپنی مقبوضہ سرزمین کی واپسی کے لیے ہر ہفتے منعقد کیا جانے والا حق واپسی مارچ آج مسلسل چونسٹھویں ہفتے میں داخل ہو رہا ہے ۔ جس میں شرکت کے لیے غزہ کے رہائشیوں میں جوش و خروش پایا جا رہا ہے اور وہ صبح سے ان ریلیوں میں شرکت کی تیاریاں کر رہے ہیں۔خیال رہے کہ یہ مارچ ہر جمعہ کے روز ہوتا ہے۔
یاد رہے کہ گزشتہ ہفتے فلسطین کے اعلی قومی کمیشن نے فلسطینی عوام سے اس جمعے کو ہونے والے مارچ میں بھرپور شرکت کی خصوصی اپیل کی تھی اور عوام سے کہا تھا کہ اس جمعے کا بطور اسرائیلی پرچم نذر آتش کرنے کے منائیں۔
کمیشن کا یہ بھی کہنا تھا کہ پر امن مارچ اور ریلیاں اس وقت تک منعقد کی جاتی رہیں گی جب تک اسرائیل ہماری سرزمین چھوڑ کر واپس نہیں چلا جاتا اور ہم اپنی ایک انچ زمین سے بھی دست بردار ہونے کو تیار نہیں ہیں۔