(روز نامہ قدس ۔آنلائن خبر رساں ادارہ )قابض اسرائیلی فوج کا عزون قصبے کا محاصرہ،قصبے کو آنے جانے والے تمام راستے بند کردیے۔مقامی لوگوں میں تشویش کی لہر دوڑ گئی۔
تفصیلات کے مطابق صہیونی افواج کی مختلف فلسطینی علاقوں میں بدمعاشیاں اور چیرہ دستیاں جاری ہے۔تازہ ترین اطلاعات کے مطابق قابض فوج نے مغربی کنارے کے علاقے عزون ٹاؤن کا گھیراؤ کرلیا ہے اور آنے جانے والے تمام راستے بند کردیے ہیں۔
مقامی ذرائع سے موصول ہونے والی اطلاعات کے مطابق وہاں کے رہائشی اسرائیلی فوج کے محاصرے کی وجہ سے اپنے گھروں میں محبوس ہو کر رہ گئے ہیں اور انکو گھروں سے باہر نکلنے سے منع کیا جا رہا ہے۔
ذرائع یہ بھی بتایا کہ اسرائیلی فوج نے علاقے کے تمام داخلی اور خارجی دروازوں کوآمدورفت کے لیے بند کردیا ہے۔