(روز نامہ قدس ۔آنلائن خبر رساں ادارہ )قابض صہیونی ریاست فلسطینیوں کے لیے خون آشام بلا بن گئی،اسرائیلی جیل میں قید فلسطینی قیدی ناصر تقاطہ پرسرارطور پر انتقال کر گیا۔
تفصیلات کے مطابق اسرائیلی ریاست فلسطینیوں کے خون کی پیاسی ہو گئی ہے،صیہونی زنداں خانے میں ایک طویل عرصے سے قید فلسطینی قیدی ناصر تقاطہ دوران قید ہی انتقال کرگئے۔انکی وفات کا اسرائیلی انتظامیہ کی جانب سے اچانک اعلان کر دیا گیا۔
اسرائیلی جیل انتظامیہ نے منگل کی صبح انکی وفات کا اعلان کیا تاہم مو ت کی وجوہات بتانے سے انکار کر دیا۔
ناصر کے اہل خانہ کا کہنا ہے کہ انکی موت جیل انتظامیہ کے تشدد کے باعث ہوئی ہے اور انکو کسی بھی قسم کی کوئی سنگین بیماری لاحق نہیں تھی ،اہل خانہ کا یہ بھی کہنا تھا کہ قابض صہیونی ریاست ہی انکے دوران قید قتل کی ذمہ دار ہے۔
یاد رہے کہ اس سے پہلے بھی اسرائیلی جیلوں میں قید متعدد فلسطینی قید ی اسرائیلی فوج کی تشدد کا شکار ہو کر اپنی جان سے ہاتھ دھو بیٹھے ہیں۔