(روز نامہ قدس ۔آنلائن خبر رساں ادارہ ) قابض اسرائلی فوج کی جانب سے فلسطینی ماہی گیروں کیلئے کھلے سمندر میں شکار کی بے جا پابندی عائد ہے، اپنے معاش کیلئے مچھلی کا شکار کرنے والے فلسطینیوں پراسرائیلی فوج کی فائرنگ اور قتل عام معمول بن گیا ہے۔
اسرائیلی فوج کی جانب سے فلسطینی ماہی گیروں پرآج پھر فائرنگ کی گئی جس کے نتیجے میں ایک ماہی گیر زخمی ہوگیا اور اس کی کشتی تباہ کردی گئی۔
فلسطین فشرمین کمیٹی یونین کے سربراہ زکریا باقر نے قدس نیوز کو بتایا کہ گزشتہ شام بھی فلسطینی ماہی گیروں پر اسرائیلی نیوی کی جانب سے فائرنگ کی گئی تھی جبکہ آج علی الصبح اسرائیلی نیوی نے ماہی گیروں پر اندھا دھند فائرنگ کی جس کی زد میں آکر ایک ماہی گیر زخمی کشتی تباہ جبکہ دو ماہی گیروں محمد اسمٰعیل برداوی اور احمد البرداوی کو اسرائیلی فوج نے مچھلی کے شکار کرنے کے جرم میں گرفتارکرلیا۔
انھوں نے کہا کہ غزہ پر مسلط غیرقانونی اسرائیلی محاصرے سے سنگین صورتحال پیدا ہورہی ہے اور اب فلسطینی ماہی گیروں پر مجھلی کے شکار پر پابندی کھلی دہشتگردی اور ظلم ہے۔