(روز نامہ قدس ۔آنلائن خبر رساں ادارہ )قابض اسرائیلی فوج کا الخیل شہر میں حلحول کے مقام پر پرنٹنگ پریس پر چھاپہ۔پریس میں موجود پرنٹنگ کا سامان ضبط کر لیا۔
تفصیلات کے مطابق بدھ کے روز اسرائیلی فوج کی بھاری نفری نے غرب اردن کے جنوبی شہر الخلیل میں حلحول کے مقام پر قائم ایک پرنٹنگ پریس پر چھاپہ مارا اور وہاں پرموجود چھپائی کی مشینیں اور دیگر سامان ضبط کرلیا۔
صہیونی فوج کے چھاپے کے خلاف مقامی فلسطینی احتجاج کرتے ہوئے سڑکوں پر نکل آئے اور قابض فوج پر پتھراو کیا۔جس پر اسرائیلی فوج نے مشتعل مظاہرین کو منتشر کرتے ہوئے ان پر آنسو گیس کی فائرنگ کی اور ان پر لاٹھیاں بھی چلائیں۔
آنسو گیس اور شیلنگ سے مقامی کھیتوں میں آگ لگ گئی اور قرب و جوار میں موجود تمام کھیت جل کر راکھ ہو گئے۔
قبل ازیں شمالی الخلیل میں العروب پناہ گزین کیمپ میں بھی اسرائیلی فوجیوں نے چھاپہ مارا اور فلسطینی شہریوں کو زدو کوب کیا۔ قابض فوج کی اس کارروائی کے خلاف شہریوں نے احتجاج کیا اور قابض فوج پر سنگ باری کی۔