(روز نامہ قدس ۔آنلائن خبر رساں ادارہ )قابض صہیونی ریاست کو عالمی سطح پر ایک اور ہزیمت کا سامنا،2021 میں ہونے والی یورپین اکیڈمک ایسوسی ایشن کانفرنس منسوخ کر دی گئی۔
تفصیلات کے مطابق اسرائیل کو اس وقت ایک اور پسپائی کا سامنا کرنا پڑا جب اسرائیل میں سرمایہ کاری کے خلاف سرگرم تنظیم بی ڈی ایس کی بھر پور کوششوں کے بعد 2021 میں اسرائیل میں ہونے والی یورپین اکیڈمک ایسوسی ایشن کانفرنس کی منسوخی کا اعلان کردیا گیا۔
ذرائع کے مطابق یورپین ایسوسی ایشن نامی تنظیم جو کہ نفسیاتی طب کے حوالے سے مہارت رکھتی ہے،2021 میں اسرائیل میں سرمایہ کاری کے حوالے سے ایک کانفرنس کے انعقاد کی تیاری کر رہی تھی۔مگر بی ڈی ایس کی بھرپور کوششوں کے بعد یہ کانفرنس منسوخ کردی گئی ہے۔
ذرائع کا کہنا تھا کہ صرف دو ہفتے قبل ہی کانفرنس کے انعقاد کا علان ہوا تھا اوردو ہفتے بعد ایسوسی ایشن کی انتظامی کمیٹی کے چیئرمین اور نٹنگھم یونیورسٹی کے پروفیسر مائیک سلائیڈ نے ارکان کو ایک مکتوب ارسال کیا جس میں کانفرنس کے منسوخ ہونے کا اعلان کیا گیا ہے۔
ایک عبرانی اخبار’ہارٹز’ نے دعوی کیا ہے کہ یورپی تنظیم نے اسرائیلی حکومت کے حوالے سے بہت ساری شکایات ملنے کے بعد القدس کانفرنس منسوخ کرنے کا فیصلہ کیا ہے۔ اب یہ کانفرنس اسرائیل کے علاوہ کسی اور ملک میں منعقد کی جائے گی اور جگہ کا اعلان بعد میںکیا جائے گا۔